Qinngutsinni inissialiortoqarnissaa siunnerfigineqarpoq
Nuummi Qinngutsinni suliffeqarfik namminersortoq nissianik 48-nik sanaartornissamut pilersaaruteqarpoq.
Nuummi inissianik sanaartorneq soqutigineqarluarpoq. Kommuneqarfik Sermersooq inissialiornissamut pilersaarut tusarniutigaa - inissiarsuit marluk sanaartorneqarnissaat tassani siunnerfiuvoq.
Pilersaarut marlunnik inissiarsuarnik peqarpoq tamarmik arfinilinnik quleriillit. Inissiarsuit tamarmik 24-nik inissiartaqarput assigiinngitsunik angissusilinnik. Illup saavi qorsunnik marlunnik assigiinngitsunik qalipaateqarput.
Inissiat toqqaannaq sanimukannerluunnit Nuup kujataata tungaanut qeqertat
tungaanut isikkiveqarput kiisalu Nuup tungaanut.
Inissiat tamarmik aneerasaartarfeqarput anorlertillugu oqquartalinnik, inimit (opholdstue) isikkiviit assigiinngitsut marluupput, siunnersuummi allaqqavoq.
Inuussutissarsiornermik suliaqartut
Inissialiornissamik siunnersuut akuerineqassappat, inissiat 2025-mi iserterfigineqarsinnaassapput.
- Qinnuteqaat Nuummi inissaaleqinermut iliuuseqaqataanertut isigineqassaaq, aammattaaq inissialiortiternermi piffimmik atorluaanertut, inissialiornissamut siunnertaqartut, Inissat Aps, allapput.
Jesper Petersen, Jeppe Bloch Steffensen aamma Jan Tengstedt Inissat Aps-imi piginnittuusut cvr-imik allattorsimaffiup takutippaa. Taakku tamarmik Nuummi inissianut tunngassuteqartunik suliaqartuupput.
Paasissutissiilluni innuttaasunik ataatsimiinnissaq pilersaarut pissaaq, marlunngornermi oktobarip ulluisa 18-anni nal. 16.30-18-30 Katuami Inersuaaraq inuit, Kommuneqarfik Sermersooq Facebookikkut allappoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...