Qujanartumik sinnattuaqineq inerteqqutaannginnami…
Lottomi eqquigaluaraanniluunniit akissat naammanngillat, taamaakkaluartoq issittoq taarsiorfiusorlu qimalaarlugit sinnattuaqisinnaavugut…
pling, pling, pling…
ulluinnarni suliffimmi allagarsiat assigiinngitsut soorlu nunatsinni suliffeqarfinniit pisortatigoortumik tusagassiutitigut nalunaarutit apuuttuarput.
Ungasinngitsumi Italiami illunik tuniniaasarfimmiit allagarsiaq apuuppoq. Allagarsiat taamaattut igitassannguunnartaraluartut, nutaarsiassaqartitsiviup sammisaq taanna pingaartinngimmagu, imaqarniliap imaa atuarlugu Italiap sineriaanut sinnattuaqinermik pilersitsivoq.
Illorsuup Kulturikkut suliaqartut siuttunik inuttaqarsimavoq.
Kiammita Italiami qaqqarsuarmi illorsuup isikkivigeqisup, Italiami Amalfip sineriaaniittumik 800 kvadratmertimik annertutigisumi najugaqassalluni takorloorsinnaanngilaa?
Amalfip sineriaa 1997-mi UNESCO-mit nuna eqqissisimatitaasussatut aaliangiiffineqarsimasup nunarsuarmi immap killingani nunatat kusanarnerpaat ilagaat.
Illunik tuniniaasartup sullarippaseqisup oqaluttuaraa illu 1963-mi sanaajusup Italiami kulturikkut suliaqarsimallutik tusaamasaasut arlallit najugaqarfiginikuugaat. Soorlu ukuusut: Atuakkiortoq Roberto Olivetti, tassaasoq Olivettip ernutaa, taannalu qarasaasianik, naqiterissutinik, mobiilinillu pinngortitsisut ilaat. Eqqumiitsuliortoq Sergio Vacchi, assiliisartoq saqqummersitsisartorlu Inge Fletrinelli, ukuninnga ilaatigut assiliinikoq: Greta Garbo, Winston Churchill aammalu Ernest Hemingway.
Akia
Taamaattorli akia…
Illorsuup angeqisup, ukiuni kingullerni nutarterneqarsimasup akia tassaasoq 26 millioner Euro, danskit kruuninngorlugu 200 millioner pallillugit akeqarpoq.
lottomik eqquineq naammanngilaq, eqqortut arfineq marluk arlaleriaqqaarlugit bankimiit akuerineqarnissaq aatsaat anguneqarsinnaavoq.
Qujanartumilli sinnattuaqineq akeqanngilaq.