Radarikkut kalerrisaarut qaammataasatigullu nalunaarsukkat: Pituffik – USA-p nakkutiginnittua
Kalaallit Nunaanni Amerikap sakkutooqarfiisa avannarlersaa Thule Air Basemiit Pituffik Space Basemut apriilimi atia allanngortinneqarmat kalaallinut ajunngisaarneruvoq. Sakkutooqarfik nunami sumiiffimmi aterisani maanna pisortatigoortumik aterilerpaa.
Bee-doo-FEEK – nipisiuilluni amerikamiusut taama taaneqartarpoq – oqaaseq nalunartoq tassa sakkutooqarfimmiittut eqqaamaniagassarilerpaat taasalerlugulu.
Aviisi AG taama allappoq.
»Taaneqartarnera kukkunaveersaarlugu ilinniarpara, taamaalillunga atiata ataqqineratigut kalaallit kulturiat akuersaassagakku«, pisortap, oberst Brian Cappsip, AG-mit nittartakkatigut isiginnaarutikkut apersorneqarnermini oqarpoq.
- Atiata nutaap sungiunniarnera piffissamik atuinalaarpoq, oqarpoq, sakkutooqarfimmilu sumiiffinni assigiinngitsumik aningaasanik nakkartitsiffissanik ilioraasoqassanersoq eqqartorneqarsimasoq ilanngullugu oqaluttuaralugu.
Tassa qanga atia Thule taaneqaraangat aningaasanik nakkakaatitsivittut atugassamik.
Aningaasat ukiumoortumik aaqqissuunneqartartumik »operation julemand« nakkartussanngorlugit. Aaqqissuussaq tassaavoq juullilernerani Qaanaamiut nunaqarfiisalu meerartaannut poortukkanik agguaasoqartarnera.
Nutaartaqanngitsoq
Atimik allannguineq Kalaallit Nunaannut ataqqinninnermik takutitsiniarnermik aallaaveqarpoq.
Atip »mittarfeqarfimmit« »avataarsualiartartut« sakkutooqarfiattut allanngortinneqarnera isumaqarpallaanngitsoq immikkut ilisimasallit oqarput.
Ukiuni qulikkaani kingullernitut qaartartunik silaannakkut saassussinernut kalerrisaarutitut, qaammataasatigullu qaasuitsup killeqarfiata avannaani nakkutilliineq Pituffimmi pingaarnertut isumagineqarnera nangeqqiinnarpoq.
- Allanngortoqarpallaanngilaq, Kristian Søby Kristensen oqarpoq.
Taanna Københavnip ilisimatusarfiani Sakkutooqarnermik Ilinniarfiup immikkoortortaqarfiani pisortaavoq.
