RAL-imi ineriartornermut pisortaq nutaaq
Royal Arctic Linietrafikimi immikkoortortaqarfimmi pisortaasimasoq Niels Clemensen umiarsuaatileqatigiiffimmi ineriartortitsinermut pisortanngorluni utissaaq ukioq ataaseq Vietnamimi sulereerluni.
Niels Clemensen, atorfittaamini aggustusip aallaqqaataani aallartittussaq Aalborgimi Grønlandshavnenimi Royal Arctic Linieagentur A/S-imi allaffeqassaaq.
Pisortaaneq Jens Andersen: - Aatsitassanut tunngasunik soqutiginninnerup aamma ineriartornerup niuerfinnik nutaanik pilersitsinissaq ammarpaa, tamatumani pissusissamisoorpoq Royal Arcticip nutaanik misissuinissaa, uagut piginnaasaqarfigisatta iluani annertunerusumik aningaasarsiornissamut tapertaasinnaasunik. Ineriartortitsinissamut periarfissat takusinnaasavut ukiuni aggersuni misissorneqassapput. Siuariartornissaq qulakkeerniarlugu ineriartortitsinermut immikkoortortaqarfik piviusumik niuerfissanik nutaanik misissuinissamut sakkortusarneqassaaq, tamakku siunissami Royal Arctic Linemut taamaalillutillu Nunatsinnut aningaasaanik ajunngitsumik isaatitsissutaasinnaapput.