Demkraatit
Randip aqutseriaatsini allanngortinnianngilaa
Demokraatini aqutsisut akerleralugit, Tille Martinussenip partiimit tunuaqqammerpoq, Micahel Rosingilu aamma taamatut peqquteqarunarluni ukioq manna partiimit ilaasortaajunnaarpoq. Taamaakkaluartoq Demokraatit siulittaasuata aqutseriaatsimi allanngortinnissanut tunngavissaqarsorinngilaq
- Demokraatit akerliuniarluni partiitut inissisimajunnaarnikuuvoq, massakkullu ingerlatsinerput politikkimik tunngaveqarpoq. Partiimiit ilaasortaajunnaartarnermut tamanna tunngavigineqarsinnaavoq.
Tille Martinussenip partiimit qanittumi ilaasortaajunnaarnerata kingorna, Demokraatit siulittaasuat Randi Vestergaard Evaldsen, Sermitsiaq.AG-mut oqarpoq.
Naak Tillie Martinussen aamma Michael Rosing akerliullutik partiimit ilaasortaajunnaaraluartut, Randi Vestergaard Evaldsenip aqutseriaatsimi allanngortinnissaanut tunngavissaqarsorinngilaq.
- Aqutseriaasera nuannarinnginneqarsinnaavoq, kisianni oqaatigisinnaavara partiimiit ilaasortaajunnaartartunit partiimut ilaasortanngortut amerlanerujussuupput. Sineriammi aatsaat taama amerlatigisunik immikkoortoqartigaagut. Inuit marluk aqutseriaasinnik nuannarinngisaqarsinnaapput, kisianni amerlanerujussuit takusinnaavaat, nunamut suna pingaarnerunersoq, taassuma aqutseriaatsimi allanngortinnissaanut apeqqut taama akissuteqarfigaa.
Atuaruk: Demokraatit nuimasortartik annaavaat - immikkoortoqarfik matuneqarpoq
Ser fremad
- Partiip siunissami ilaasortani qanoq annaanaveersaassavai?
- Partiimi ilaasortat tamarmik pingaaruteqarput, partiilu kimit siuarsarneqarsimanersoq eqqaamassallugu aamma pingaaruteqarpoq. Aap, partiimi ilaasortatta ilaat, amerlasuunik qinerneqarsimanngitsut, ilaasortaajunnaarsimapput. Kisitsisaatitsinnilu takusinnaavarput partiimi ilaasortanngortartut amerliartuinnarnerat. Partiimi ilaasortanngortartut amerlaqimmata, partii inuit ilaannit ajortumik isigineqalersinniarnera paasiuminaatsippara, taanna akivoq.
Randi Vestergaard Evaldsen siumut isigivoq
- Partiip anguniagai massakkut nutarsaleruttorpavut. Partiip anguniagai ullutsinnut nalimmassarlugit allanngortitserneqassaaq, tamannalu massakkut suliatsinni pingaarnersaagallarpoq. Partiip tunngaviusumik naleqatitai allanngortinnianngilagut, anguniakkagulli nalimmassassavagut, taanna oqarpoq.
- Ukiup tulliani Inatsisartunut qinersisoqalerpat Michael Rosingip parteerisinnaasaa qinersisussanik aallersinnaanera ernumassutigaajuk?
- Kikkulluunniit partiiliorsinnaatitaapput, nunamilu talerperliuniarnermik ingerlatsiviulernissaa neriuutigaara. Qinersinermi inernerit qanoq isikkoqassaneri oqaatigereersinnaanngilarput, tamanna qinersisartut aalajangissavaat. Siulivut socialistiunatik liberalistiusimapput. Tamannalu tunngavik pilerseqqinneqassaaq, partiillu liberalit amerlaneruppata tamanna nunamut iluaqutaaginnassaaq, Randi Vestergaard Evaldsen oqarpoq.
Atuaruk: Michael Rosingip partiissaa ilusinikkiartorpoq