Reykjavik: Inuusuttuaqqat sininnerusalissapput
Atuartut inuusuttuaqqat sinnakippallaartarput, taamaammat Reykjavikkimi kommunalbestyrelse aalajangerpoq illoqarfiup atuarfiini atuartut inuusuttuaqqat ullaakkut akunnermik ataatsimik kingulliullutik atuariartortalissasut.
Annonse
Sinnakippallaarneq inuusuttuaqqat inuulluarnerunerannut sunniuteqarnerluttarpoq. Sininneq eqqarsartaatsimullu sunniuteqartarnera imminnut atassuteqarluinnarput. Tamanna nassuiaatigitillugu Reykjavikimi aalajangerneqarpoq meeqqat atuartut inuusuttuaqqat ullaakkut nalunaaquttap-akunneranik ataatsimik sininnerusassasut.
Islandimi nutaarsiassaqartitsivik Vísir allappoq inuusuttuaqqat siusinnerpaamik nalunaaqutaq 8.50 atuariartortassasut, illoqarfiulli atuarfiisa atuariartornissaq kingusinnerusunngorlugu piffissalersinnaagaat tamanna naleqqunnerussappat.
Ukiuni pingasuni misiliutitut atuuttussaq illoqarfimmi meeqqat atuarfiini 2024-mi ukiakkut atuutilersinneqassaaq.