Røde Korsimi siulittaasoq tunuarpoq
Malene Lynge Kalaallit Røde Korsianit siulittaasutu massakkumiit atuuttumik tunuarluni nalunaarutigaa
Kalaallit Røde Korsiat nutaamik siulittaasortaartussanngorpoq, tassami siulittaasoq Malene Lynge tunuarluni nalunaaruteqarpoq.
Tusagassiutinut nalunaarummi ima oqarpoq:
- KRKp ileqqoreqqusai ataatsimeersuarnermi oktobarip 21-ani allanngortinneqarsimaneranut, maannalu Danmarkimi najugaqarnera peqqutigalugu, ilaasortaaqqusaajunnaarneranik tunuarniuteqarnera peqquteqarpoq.
Nangillunilu:
- Qinigaaffik naatinnagu, minnerunngitsumik Nuummi siulersuisut kissaataat malinnagu, suliaqarnera kipiinnarlugu taamaatittariaqarnera assut uggorivara. KRKp siulersuisuuneri aalajangernerat ataqqinagu suliaqarnissara takorloorsinnaannginnakku ajoraluartumik taamatut aaliangertariaqarpunga.
Malene Lynge Kommuneqarfik Sermersuumi kommunalbestyrelsimi aggustimi sulinngiffeqannginnissamut qinnuteqarpoq.
Københavnimi ilinniagaqarnini pissutigalugu taamatut aalajangerluni.