Ruslandip suleqatigineqannginnera Issittumi ilisimatusarnermut annertuumik kinguneqartitsisoq

Ruslandip aamma Nunat Killiit akornanni pissanganartorsiortoqarnera, silap pillugu ilisimatusarnermut annertuumik kinguneqartitsivoq.

Ruslandip Ukraine 2022-mi saassummagu, Ruslandip Nunat Killiillu akornanni pissanganartorsiorneq annertusivoq, tamannalu Nunat Killiit Ruslandimut annertuumik pillaatitut iliuuseqarnerannik kinguneqarpoq.

Tamatuma saniatigut ilisimatusartoqatigiit akornanni attaveqarneq aamma unitsinneqarneranik kinguneqarpoq. Ruslandillu Issittortaa sinerissap killinganut nunallu annertussusaanut tunngatillugu Issittup affaanik annertussuseqarmat, Issittoq pillugu paasissutissat affaat amigaatigineqarput.

Ilisimatusartoq Lin Alexandra Mortensgaard, Dansk Institut for Internationale Studierimi (DIIS) allakkiaani qanittukkut saqqummertumi tamanna inerniliunneqarpoq.

Sila pillugu paasissutissat ilaatinneqassanngikkaluarput

Issittumi silap pissusiata allanngoriartorneri pingaaruteqangaarmata, Ruslandip aamma Nunat Killiit akornanni attaveqarnerup kipineqarnerani atuutsitsinngiffiusunik peqarnissaa oqallisigineqartariaqartoq, ilisimatusartoq isumaqarpoq, taamaalilluni silap pillugu paasissutissat aamma ilisimatusarnermit inernerit avitseqatigiissutigineqarsinnaassammata.

Ruslandimut pillaatitut iliuuseqarnermi atuutsitsiffiunngitsunik peqartoq, ilisimatusartoq innersuussivoq, assersuutigalugu nakorsaatit pingaarutillit aamma avataarsuarni suleqatigiinnermi. Tamatuma saniatigut inuussutissanik nioqquteqarnermi nunanut allanut avammut tunisinermi:

- Silap pissusiata allanngoriartornerisa nunarsuaq tamakkerlugu paasinninnissap aamma pinngortitami pissuseqatigiit ataqatigiinnerisa maanna Issittumi nungullariartornerata pingaaruteqarnera eqqarsaatigalugu, sila pillugu ilisimatusarneq imaluunniit minnerpaamik sila pillugu paasissutissat inernerillu, aamma taamatut ilaatinneqannginnissamut naleqqukkaluarput, Lin Alexandra Mortensgaard allappoq.