Russit ambassadøriat: Issittoq eqqissisimaffiussaaq
Qallunaat USA-mik illersornissamut isumaqatigiissutaata nutaap Issitumi suleqatigiinneq sunnertariaqanngilaa, taamatut isumaqarpoq Ruslandip Danmarkimi ambassadøria.
Qallunaat-Amerikamiut illersornissamik isumaqatigiissutissaat Ruslandip ernumartoqartippaa, Issittorli akulerutsikkusunngilaa, russit ersissutigigaluaraat isumaqatigiissummi aamma Savalimmiut Kalaallit Nunaallu ilaatinneqassasut. Taamatut Sermitsiamut oqarpoq Ruslandip Danmarkimi ambassadøria Vladimir Barbin.
- Qallunaat-Amerikamiut illersornissamut isumaqatigiissutissaanni siunniunneqarpoq Amerikamiut sakkutuunik sakkunillu Danmarkimut inissiisinnaassasut, kiisalu qallunaat attaveqaataat amerikarmiut timmisartuinit malersuutinit umiarsuaannillu sorsuutinit atorneqarsinnaassasut. Tamatumunnga atatillugu qallunaat naalakkersuisui aamma nalunaarsimapput taamatuttaaq Kalaallit Nunaat Savalimmiullu oqaloqatigineqassasut.
- USA-p Kalaallit Nunaanni umiarsualiviit mittarfiillu sakkutuulersornermut atornissaat ukiuni kingullerni soqutigiartulersimavaa. Tamanna peqatigalugu Washington Københavnilu pissutsinut maanna atuuttunut politikkersorput, Rusland akeqqatut isumannaatsuunermillu ulorianartorsiortitsisutut isigalugu.
Ernumatitsivoq
- Nunama soqutigisaraa issittumi aalajaatsuunerup eqqissisimanerullu attatiinnarnissaat, suleqatigiinnerup ineriartortinnissaa nunanillu sanilinik tamanik tatigeqatigiinnissaq. Tamatumunnga atatillugu isumaqatigiissutip Kalaallit Nunaat ilanngullugu annertusineqarnissaa ernumatitsivoq.
Allaaserisaq tamaat uani Sermitsiami pisiarisinnaasanni atuaruk: