S: Nakkulliisut Kalaallit Nunaanut tunniussigit
Folketingimut ilaasortap Jens Christian Lundip Socialdemokratineersup illersornissamut ministerimut apeqquteqaatigaa, umiarsuaaqqat nakkutilliissutit pingasut maanna 'Knud Rasmussen'-imi taarserneqarsimasut Kalaallit Nunaannut tunniunnissaat isumassarsiatsialaannginnersoq.
Jens Christian Lund Socialdemokraterne-neersoq kalaallit nunaat pillugu folketingimut ilaasortat qanittukkut pisarnertut paasititsiniaavigineqarneranii peqataasimavoq, tassanilu paasivaa "nunarujussuarmi tassani aalisarnermik nakkutilliisunut suliassaq qanoq angitigisoq, qanorlu ajornarluinnangajatsigisoq".
Folketingimut ilaasortaq isumaqarpoq kutterit taakku marluk Kalaallit Nunaannut tunniunnissaat pissusissamisoortoq.
- Taamaalilluni Kalaallit Nunaata nammineq aalisarnermik nakkutilliinerup ilaa tigusinnaalissagaluarpaat. Danmarkip siusinnerusukkut sakkutuut atortuinik nunanut baltikumimiittunut nassiuttarsimavai, taamaattumik umiarsuaaqqat Kalaallit Nunaannut tunniunnissaannut periarfissaqarsorinarpoq, Jens Christian Lund illersornissamut minnisterimut Søren Gademut (V) allakkatigut apequuteqaammini allappoq.
Illersornissamut ministerip akissummini allappoq, illersornissamut sakkutuut kutterit nakkutilliissutaasa ilaat ataaseq pilersaarutit malillugit suliunnaarsinneqarpat kalaallit politikeriisa tigussallugu soqutigigaat.
- Kalaallit Nunaanniit taamaattumik tigusinissamut tunngatillugu Kalaallit Nunaanniit pisortatigoornerusumik saaffiginnittoqarnissaani pissutsit assigiinngitsut misissuiffigineqarnissaat pisariqarpoq, assersuutiglaugu aningaasaqarneq, suliassat inuttalersuinissarlu, illersornissamut ministeri Jens Christian Lundimut akissummini allappoq.
Kutterit nakkutilliissutit pingasut AGDLEK, AGPA aamma TULUGAQ nakkutiliinermik sulinermit atorunnaarsinneqarlutik "Knud Rasmussen"-imit umiarsuarmillu allamit angeqataanit taarserneqarput.