Sapaammi tunillatsissimasut nutaat sisamat
Sapaammi nun.gl naapertorlugu tunillatsissimasut sisamat nalunaarsorneqarput - tamarmik Qeqqata Kommuniani.
Annonse
Sapaammi Nunatta Nakorsaaneqarfianit tunillatsissimasut pillugit kisitsisit nutaat takutippaat, ullormi kingullermi tunillatsissimasut sisamat paasineqartut. Taamaalilluni maanna tunillatsissimasut 74-inngorput. Napparsimmavimmi uninngasoqanngilaq.
Taakku sisamat tamarmik Qeqqata Kommunianiipput.
Arfininngornermi nutaanik tunillatsissimasunik nalunaarsuisoqarsimanngilaq.
Akiuussusertissimasut amerlassusaat kingullermik aggustip 19-anni nutarterneqarsimasut, nittartakkami atuarneqarsinnaavoq.
Piffissami tassani inuit 30.586-it naammassillutik akiuussuserneqarsimapput.
