’Sarfaq Ittuk’ angalaannassaaq

Arctic Umiaq Linep ilaasunik angallassisarnera 2011-p naanissaata tungaanut qulakkeerneqarallarpoq - Naalakkersuisunit amigartooruteqarnerissamut sillimmaserneqarami.

’Sarfaq Ittuk’ angalaannarallassaaq - 2011-p naanissaata tungaanuugallartoq. Assiliisoq: Leiff Josefsen

netredaktion (netredaktion@sermitsiaq.ag)

tallimann 27. agg 2010 04:28

Annonse

- Suliffeqarfiup ingerlatsineranut 2010-mi aamma 2011-mi aningaasaliiniarpugut, Naalakkersuisut siulittaasuat Kuupik Kleist Nuuk TV-mut oqarpoq.

Arctic Umiaq Linep pisortaa Jette Larsen tv-qarfimmut nassuiaavoq, ingerlatsivit aggustip naaneraniit ukiup sinneranut millioninik arfinilinnik amigartooruteqartoq kiisalu aappagumut sulit 11-12 millionit amigaatigineqartut.

Assartuinermut Isumalioqatigiissitap sinersorluni ilaasunik angallassineq suliassaanut ilaasoq, nalunaarusiaq ukiup naalernerani saqqummiunneqassaaq. Inassuteqaatit tamakku Naalakkersuisut 2011-mi upernaakkut oqaluuseriniarpaat, Kuupik Klesit Nuuk TV-mi ilisimatitsivoq.

nunatsinnit inuiagatigiit