Sarfaq Ittuk qaammat ataaseq angalassanngilaq
Arctic Umiaq Linep novembarip 20-ata tungaanut Sarfaq Ittuup angalanissai tamaasa taamaatippai a
Sarfaq Ittuk ullualuit ingerlaneranni Nuummi Qaqortumilu ajutoornernik annertuunik eqqugaasoq aatsaat qaammat ataasingajak qaangiuppat angalaqqilissasoq Arctic Umiaq Line nalunaarpoq.
Umiarsuarmi angalavianngilaq taamaattumillu uani sapaatit akunnerani nunamiissalluni.
Læs "Sarfaq Ittuk igen grundstødt"
Læs "Sarfaq Ittuk kan sejle videre efter grundstødning i Qaqortoq"
Arctic Umiaq Linep novembarip 20-ata tungaanut sinersortaatip angalanissai tamaasa taamaatippai.
Arctic Umiaq Line nalunaarpoq suliffeqarfimmi oktobarip 15-anili umiarsuup ajoqusernerisa annertussusaat nalilersorniarnerat ilungersuunneqarsimasoq, ilaatigummi aquutaa aquutaatalu isua ajoqusersimapput.
Bilitsit utertinneqarput
Sarfaq Ittuk nunatsinni iluarsaanneqassanngippat Atlantikoq ikaarlugu kalinneqartariaqassaaq nammineerlunimi ingerlasinnaanngilaq.
Læs "AUL: Det er ikke noget, folk glemmer"
Arctic Umiaq Line nalunaarpoq angalanissat taamaatinnerannik ilaasussat suliffeqarfimmit ilisimatinneqarsimasut, ilaasussallu neqeroorfigineqarput aningaasat utertinnissaanik. Aamma nunaqarfinnut Sarfaq Ittummik aqqusaarneqartartunut angalanissamut pilersaarutit nutaat aaqqissuunneqarput.
Kingullermik Nuummi Sarfaq Ittuk suliariniarneqartillugu oktobarip 15-ani ikkarleqqippoq.