Savalimmiut takornariarfissatut siuttuusoq
Savalimmiut amerlanerpaanik takussaaterpassuaateqarpoq takornarianit takuniarneqarsinnaasunik. Atuagassiap National Geographicip nunarsuarni qeqertani honnorujuni takornarianit takuniagassaqissut nalunaarsorsimavai.
Nalunaarsuinerup aamma takutippaa qeqertat sorliit takornariaqarpallaarnermikkut takornariafissatut piukkunanngitsut.
Immikkut ilisimasallit 500-t piujuaannartitsinissaq tunngavittut sallerpaatillugu qeqertat 111-t tulleriaarlugit, tamatumunnga immikkoortitsersimavaat.
Immikkut ilisimasallit qeqertanut nalilersuinerminni uku tunngavigigaat; qeqertat avatangiisaat naatitsinernilu akuutissanik atuinnginneq, inuuniarnikkut kulturikkullu akuliusimaneq, sanaartukkat oqaluttuarisaanermut pingaarutillit itsarsuanitsanillu misissiunermut tunngasunik assaasarneq kiisalu takorniariaqartitsineq.
Savalimmiut nalunaarsuinermi takornariarfissatut piukkunnarnersaavoq katillugit 87 pointinnalluni.
Nunani avannarlerni qeqertat pingasut qeqertaqatigiilluunniit tassaasut Lofoten, Island Bornholmilu nalunaarsuinermi peqataasunit normu 3-nngortoqarput, 9-nngorlutik 18-nngorlutillu.
Ajornerpaatut inissittut tassaapput qeqertat takoriarpassuaqartartut, Ibiza aamma thailandimi Phuket.