Seqinermi anorersuaq arsarneqartitsissaqaaq
Seqinermi anorersuaq Nunarsuup tungaanut ingerlaarpoq, apuuppallu innaallagissamik radiokkullu attavinnik akornusersuissaaq.
Ukiuni sisamani aatsaat taama sakkortutigisumik seqinermi anorersuaq sakkortooq Nunarsuup tungaanut ingerlavoq, ullunilu takkuttussani innaallagissamik pilersuineq radiokkullu attavinnik akornusersuinissaa naatsorsuutigineqarpoq.
Taama mianersoqqusivoq amerikamiut silaannarsuaq pillugu suliffeqarfiat NASA.
NASA'p silaannarsuarmiititaa Solar Dynamics Observatory sisamanngornerup unnuaani seqerngup kujataasungaani anorersuaq paasivaa.
- Ulluni kingulliunerusuni tassani arlaleriarluni anorlillattaarpoq. Anorersuannginnerani nipaanneq, NASA nalunaarpoq.
Seqinermit kaanngartut partikel-it Kina-mi kortbølgekkut attaveqaatit akornusersoreerpai, naatsorsuutigineqarporli seqinermi anorersuup satellit-ikkut attavinnik sisamanngornermi tallimanngornermilu immaqalu arfininngornermi akornusersuissasoq.
NASA oqarpoq anianerit X-klasse-tut taaneqartartumi uuttorneqartut, seqinermi anianerit sakkortunersaat, tamannalu pisartoq Seqinermi sivisungaatsiartumik aniasoqarsimanngikkaanga, pinaartumik kujataatungaani.
Anianeq 100.000 kilometerisut annertussuseqarpoq imaluunniit ullorissap Jupiterip angeqqataa. Anianeq aallartikkaanga tamaani 19 millioner gradenik kissassuseqarpoq.
Partikelit Nunarsuup tungaanu ingerlaarput sekundimut 900 kilometerisut sukkatigalutik. Partikelinik anorersuaq ulluni tulliuttuni arsarneqartitsingaatsiassaaq, aamma Danmakimi.
Seqinermi anianerit kingulliit x-klassetut sakkortutigisut pipput 2006-imi 5. december.i