Sermersooq akunnittarfimmik sanaartornissamik neqerooruteqarnissaminut piareerpoq
Piffissami aggersumi aningaasaliisartut Nuup qeqqani pilerinartumi akunnittarfimmik sanaartornissamut neqeroorutiginnissinnaapput.
Aallaqqaammut sanaartorfissaq nunatta eqqumiitsulianik saqqummersitsivianut inissanngortinniarneqaraluarpoq, sanaartortitsisorlu tusaamasaq Bjarke Ingels ajugaasup titartagaanik titartaasuuvoq. Tamannali piviusunngunngilaq – pilersaarutaasutut Nuummi Tuapannguani aqqusernup isuani.
Kingusinnerusukkut Norgemiut umiarsuaat Hurtigruten Blok T-p sinaani akunnittarfiliornissamik neqerooruteqarpoq.
Tamanna aamma piviusunngunngilaq, maannali Kommuneqarfik Sermersooq akunnittarfimmik sanaartornissamik neqerooruteqarnissaminut piareerpoq, kommuni nittartakkamini allappoq.
Sanaartorfissaq 11.000 kvadratmeterit missaannik angissuseqarpoq, sanaartornermullu piumasaqaatit pillugit kommuni ilaatigut ima allappoq:
- Immikkoortoq illoqarfiup qeqqata missaaniippoq, sanaartukkallu nutaat illuliortaatsikkut pitsaassutsimik qaffasissumik kiisalu illoqarfiup oqaluttuassartaanik ataqqinnittumik ilusilersorneqassasut, kisiannili sanaartukkatut nammineq ilisarnassuseqassasut naatsorsuutigineqarpoq.
Suliniut pitsaanerpaamik naliliiffigineqarsinnaassappat akunnittarfimmik 3000 kvadratmeterit sinnerlugit angissusilimmik sanasoqartariaqarpoq, illut iluini minnerpaamik 200 kvadratmeterinik tamanut ammasumik atortorissaaruteqartariaqarpoq, aamma "sanaartornermi/ingerlatsinermilu piujuartitsinermik suliniuteqartariaqarpoq".
Suliniuteqartartut soqutiginnittut marsip arferngata tungaanut suliniutiminnik nassiussisinnaapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...