Sermersooq: Sanaartornissamut 300 mio. koruunit
Kommuneqarfik Sermersuumi aappaagumut sanaartornissamut 300 million koruunit immikkoortinneqassasut isumaqatigiissutigineqarpoq
Sermersuup aappaagumut aappaagumut aningaasaqarnermut missingersuutaa 1,9 milliard koruuninik naleqarpoq, 80 million koruuninik sinneqartoornissaq siunnerfigineqarluni. Skatteerutigineqartut procentii allanngortinneqassanngillat.
- Nuummut nuuttartut amerlatsikkiartuinnavitsillugit siumut isigisumik iliuuseqarpugut. Innuttaasunut pitsaasumik atugassaqartitsineq attatiinnarniarlugu inissialiortoqartuartariaqarpoq ukiuni arlalinni tulliuttuni, Asii Chemnitz Narup oqarpoq.
- Nuup avataani illoqarfinnut nunaqarfinnullu aamma iluaqutaassaaq. Sanaartortoqassaaq, meeqqanut, inuusuttunut utoqqarnullu pitsanngorsaasoqassalluni. 2023-ip tungaanut nunaqarfinnut aningaasartuutissat 10 miillion koruuninik qaffassapput, 2019-mi 27 million koruuniussalluni.
Imminut toquttarneq akiorniarlugu sulisussamik atorfinitsitsisoqassaaq, Paamiuni inuusuttunut siunnersuisumik atorfinititsisoqassaaq.
Kommunalbestyrelsi tamarmiusumik isumaqatigiittoq aningaasaqarnermut 2019-mut sanaartornermut 300.076.000 koruunit atorneqassasut isumaqatigiissutaavoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...