Sermitsiami siulittaasoq nutaaq
Arctic Umiaq Line-p pisortaa Jette Larsen Aviisip Sermitsiap siulersuisuinut siulittaasunngorpoq.
Jette Larsenip aaqqissuisuusimasoq Hagen Højer Christenseni siulittaasuugallarsimasoq taarserpaa, Hagen Rita Jenseni siorna septembarimi siulittaasutut tunuarmalli siulittaasuugallartutut ivertinneqarsimavoq.
Aviisip siulittaasortaavata inuit immikkuullarissut suliumatuullu Sermitsiap Nuuk Ugeaviisillu pilersinneqarnerini ingerlanneqarnerinilu tunngaviulluinnarsimasut pingaarruteqarnerat erseqqissarpaa.
"atuaqatigiinni nukappiarapiluuneq - niviarsiarapiluunerluunniit" pitsaasuujuaannartanngilaq. Kisianni Sermitsiamut taamaappoq, aallaqqaammullu naalanngitsuusimasoq - aamma siunissami taamaassaaq. Demokratiip qanoqluunniit oqaaseqarsinnaatitaanermik piginnaatitaaffiliinera illresussavarput, alapernaatsuulluta eqqumallutalu, aammalu qulequttat tarnikkut timikkullu ikeqalersitsisinnaasut saqqummiuttassavagut, Jette Larsen Sermitsiap åpingasunngornermi nalliuttorsiorneranut atatillugu oqarpoq.
Taassuma saniatigut nakorsaq Kent Kleinschmidt Sermitsiap siuliersuisuinut nutaatut ilaasortanngorppoq, sinneri tassaapput siulittaasup tullia Ivalo Egede RAL-imi nittarsaassinermut pisortaq, Hagen Højer Christensen GA-mi paasissutissiinermut sulisoq, Jørgen Ejbøl siulersuisuni ilaasortaq JP/Politikkens HUs-imeersoq aamma Ivalu Duelund qvistgaard, tusagassiortoq (sulisunit toqqagaq).