Tusagassiisarfik
Sermitsiaq.AGimi kalaallisut saqqummertartut amerlatsipput
Kalaallit Nunaanni nittartakkakkut tusagassiuuteqarfiit annersaata kalaallisut saqqummertartut amerlatsippai
Tusagassiissarfiup Sermitsiaq.AG-ip nittartagaani saqqummersartuni danskit oqaasianniit kalaallisuumut nutserisussamik atorfinititsivoq, taamaasilluni kalaallisut saqqummertartut amerlatsissapput.
- Nuannaarutigaarput kalaallisut amerlanerusunik saqqummiussisinnaaleratta, siornatigut aningaasatigut tamanna periarfissarinikuunngilarput. Danskisut saqqummertoqariitsiarnerani kalaallisuuanik saqqummertoqartalissaaq. Ilisimavarput kalaallisut saqqummertartut siornatigut danskisut saqqummertartuniit ikinnerusut, taannalu pillugu atuartartutsinnit isornartorsiorneqartarpugut, Sermitsiaq.AGp nittartagaani pisortaq Søren Duran Duus oqarpoq, neriuutigaalu nittartakkami oqallinnerit suli amerlanerulerumaartut.
Aatsaat taama pulaartoqartigaaq
Søren Duran Duusip erseqqissarpaa kalaallisut amerlanerusunik saqqummertoqartalernera iluaqutaalereersoq, tassami pingasunngornermi januaarip 29-anni Ilulissani timmisartumik ajutoortoqarnerani, nittartakkap oqaluttuarisaanerani aatsaat taama Sermitsiaq.AGmut isertoqartigimmat. Inuit 38.495-it nittartakkamut iserput, quppernernilu 201.347-iaq isertoqarluni
Arlaannik pissanganartumik nutaarsiassaateqarpit? Nutaarsiassaateqaruit redaktion@sermitsiaq.ag-mut allannissannut tikilluaqqusaavutit