Sexologitut ilinniagaqartoq: Atoqatigiinneq pillugu ersisaarineq kimulluunniit iluaqutaanngilaq
Hanne Lystrup inuusanik suliniummik suliaminut sapinngisamik ilisimasaqarusuppoq, taamaattumik sexologitut ilinniagaqarpoq
Sexologimi pineqarpoq atoqatigiittarneq, taannalu aamma isumaqaqqippoq piumassuseqarneq. Atoqatigiittarnerlu kaannertut imerusunnertullu inuup inuuneranut ilaatigaaq. Hanne Lystrupip sexologitut iinniagaqarnini maanna ingerlatani taamatut nassuiarpaa, AG allappoq.
Arnaq 54-inik ukiulik Paarisami inuusanik suliniummik suliaqarsimavoq, inuusuttullu meeqqat atuarfianni atuartut atoqatigiittarneq pillugu pitsaanerpaamik ikiorsinnaajumallugit qullersani qinnuigisimavai sexologitut ilinniagaqarniarluni. Ilisimasanik sapinngisamik eqqortunik peqarusupput inuusuttunut ingerlateqqitassaminik.
Nammineq periuseq
- Kinguaassiuutinut tunngasunik ilinniartitserusuttorujussuuvunga, aammattaarli ilinniakkannik nangitserusuppunga, Hanne Lystrup oqaluttuarpoq.
Taassuma inuusanik suliniut ingerlakkunnaarsimavaa, sulili atuarfimmi sulivoq, taavalu ilinniagaqarneq Danmarkimullu atuariartorluni billetsit nammineq akilissavai. Hanne Lystrup siorna sepbembarimi Sexologiskolimi, Yasmin Foximit ingerlanneqartumi, aallartippoq, ilinniakkanilu aappaagu apriilimi naammassissavaa.
Kinguaassiuutinut tunngasunik ilinniartitsineq uterfigalugu, 13-14-15-inik ukiullit kinguaassiuutit atornerannik ilinniartippai. Namminerli aamma periuseqarpoq, sexologitut ilinniagaqarnini aallartinngikkallaramiulli.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq: