Sianiilliortumik uungaannarluisigisumik nassiussanik akitsuineq
Aviisit nassiunneranni immikkut akikitsuutinneqarnerisa atorunnaarsinneqarnissaanik Tele-Postip aalajangerneranut Naalakkersuisut siulittaasuata isumaa Sermitsiap aaqqissuisuunerata sorsuarinngilaa
Aviisit nassiunnerisa akitsornissaannik aalajangerneq aviisinut aserorsaataavoq. Aalajangerneq sianiillioneruvoq uungaannarlu isiginerulluni, ineriartornermik pilersitsisut tassaasut qilersorsimanngitsumik oqallinneq paasissutissiinerlu. Aviisit nunami maani inunnit tamanit pissarsiarineqarsinnaassapput akikinnerusariaqarlutillu. Inuiaqatigiinni tamani ineriartorfiusuni aamma qilersorsimanngitsunik tusagassiuuteqarpoq killiligaananilu oqaaseqarsinnaatitaasoqarluni.
Taamatut nipaqarpoq Sermitsiap aaqqissuisuunerata Poul Krarupip Naalakkersuisut siulittaasuannut Kuupik Kleistimut oqaaseqaataa, taanna Sermitsiami ullumi saqqummersumi oqarmat, kalaallit aviisiisa periarfissat ilisimanngikkaat. Kalaallit aviisiisa qallunaat aviisii ilinniarfigisariaqarpaat, Kuupik Kleist inatsivoq.
– Pissutsini allani oqassagaluarpoq tamatigut Danmarki assiliniassanngikkipput aammalu Kalaallit Nunaanni pissusiviusut Danmarkimit allaanerulluinnartut, taamaattumik qallunaat periusaat tamatigut Kalaallit Nunaanni atorsinnaanngitsoq. Sermitsialli qallunaat periusaat malikkusuppaa. Danmarkimi aviisit siammarsaanermut 350 millioner koruunit missaannik tapiiffigineqartarput. Tamanna Kalaallit Nunaannut nuutsinneqassagaluarpat AG-p Sermitsiallu 3,5 millioner koruunit avittassagaluarpaat, Poul Krarup oqarpoq tikkuarlugu Kalaallit Nunaanni aviisinik siammarsaaneq Danmarkimiknngarnit quleriaammik akisunerusoq.
Sammisaq pillugu Sermitsiaq normu 37. atuaruk.