Silaannaq pillugu ilisimatusarnermiqitiusoqarfimmut qinnuteqartut marluk

Nuummi ukioq manna pilersinneqartussamut silaannaq pillugu ilisimatusarnermi qitiusoqarfissamut pisortatut atorfimmut qinnuteqartut marluinnaapput.

Silaannaq aamma ilisimatusarnermi qitiusoqarfiup pisortassaa Pinngortitaleriffimmi allaffeqassaaq. Qitiusoqarfiup sulinera ingerlanneqassaaq Pinngortitaleriffik aamma Ilisimatusarfik peqatigalugit.

Leiff Josefsen

netredaktion (netredaktion@sermitsiaq.ag)

Published 5 February 2009 - 06:29

Annonse

KVUG-mi, Kalaallit Nunaanni Ilisimatuutut Misissuinermut Kommissionimi, siulittaasup professorip Minik Rosingip tupiginngilaa qinnuteqartut taama ikitsiginerat.

– Professoritut atorfinnut qinnuteqartartut ikittuinnaasarnerat tupinnartuunngilaq, Minik Rosing oqarpoq.

KVUG-ip atorfimmut qinnuteqaatit suliarisarpai. Kingornatigut Pinngortitaleriffimmi pisortap Klaus Nygaardip Minik Rosing peqatigalugu silaannaq pillugu ilisimatusarnermi qitiusoqarfimmi pisortatut atorfinittussaq toqqassavaat.

Sermitsiaq/6 atuaruk.

silap pissusaa avatangiisillu inuiagatigiit