Silap allanngornera allatut isigalugu
Nunarsuarmi tamarmi inuit amerlanerujartortut isumaqarput, silaannaap allanngoriartornera pinngortitap pilarigaa inunnilli pilersitaanani, isumasiuinerup takutippaa.
Silaannaap allangoriartornera nunarsuup allanngortarneranik aallaaveqarpoq. Inuit inooriaasiat peqqutigalugu silaannaq kissakkiartunngilaq.
Nunarsuarmi inuit 10 procentingajaat taama isumaqarput, nuanrsuarmi isumasiuinerup takutippaa.
Taamatut isumasiuineq ukiut malruk matuma siorna aamma ingerlanneqarpoq, nutaamillu isumasiunerup takutippaa inuit isumaqartut pinngortitap nammineq piliaannik sila allangoriartortoq amerleriangaatsiarsimasut 4 procentpointinik qaffassimagamik.
Misissuineq nunani 18-ini ingerlanneqarpoq, ilaatigut USA-mi, Australiami Kinamilu. Inuit 13.000 aperineqarsimapput.
Aperineqartut 9 procentii annertunerusumik silamut ernumassuteqanngillat.
Inuilli 90 procentingajaat allatut eqqarsarput oqarlutik suliffeqarfiik CO2-mik aniatitsinertik annikillisariaqaraat, taamaalillutik silaannaap allangoriartornera killilersimaarlugu.
Kinami, Colombiami Ecuadorimilu aperineqartut pingajorarterutaat marluk oqarput, silaannaap kissakkiartornera ernummatiginerpaallugu.
Misissuineq Synovate Institutimit ingerlanneqarpoq tyskit tusagassiuuteqarfiat Deutsche Welle suleqatigalugu.