Silap pissusianik isumaqatigiinniarneritoqimaaqatigiissaarinerupput
Naalakkersuisulli siulittaasuata Kuupik Kleistip kissaatiginartippaa decembari nallertinnagu Kalaallit Nunaat CO2-mik aniatitsinissamut isumaqatigiissuteqassasoq
Savalimmiut, silap pissusia pillugu isumaqatigiissutitoqqami, Kyotomi isumaqatigiissummi, peqataanngitsoq, Danmarkimik peqateqarusuppoq isumaqatigiissummi Danmarkip EU aqqutigalugu FN-imik isumaqatigiinniutigisinnaasaani.
Taamatut ersaritsigisumik kalaallit nalunaaruteqarsimanngillat. Septembarip 15-ianni Kuupik Kleistip silap pissusianut ministeri Connie Hedegaard ataatsimeeqatigeqqissavaa.
Naalakkersuisut siulittaasuat Kuupik Kleist tusagassiorfitsigut oqarsimavoq Kalaallit Nunaat peqataajumassanngitsoq, Københavnimi silap pissusia pillugu ataatsimeersuarnissaq sioqqullugu Kalaallit Nunaat Danmarkimik isumaqatigiissuteqarsinnaanngippat.
– Kalaallit Nunaat qanoq sukataartigissava?
– Sakkortuuliussanngilanga qunusaarissanangalu. Maannakkut ingerlatavut tassaapput piviusumik oqaloqatigiinnerit, inerneri illua’tungeriit naammagisimaagassaat. Qallunaat naalagaaffiannut pingaaruteqarpoq pissutsit nammineq atukkat saqqummiussinnaanerat, nunanut allnut tamanut saqqummiussassatut assersuutissatut, uagutsitorluinnaq inissisimasunut, tassa Kalaallit Nunaata Danmarkillu akornanni assortuussutigisatsinnik.
Taamatut oqarpoq Kuupk Kleist, sapaatip akunnerani uani tusagassiortunik paasissutissiilluni katersortitsinermini.
Sammisaq pillugu Sermitsiaq normu 37 atuaruk.