Silap pissusiata allanngoriartorneranik isarukitsut ulorianartorsiortitaasut
Nerisassaat tammarput piaraallu imaanut kuugussaasarput. Nunarsuarmi silap kiatsikkiartornera Sikuiuitsumi Kujallermi isarukitsunik annertuumik ajornartorsiortitsivoq.
Nunarsuup kissatsikkiartornera Sikuiuitsumi Kujallermi isarukitsunut annertuumik ajornartorsiortitsivoq. Tassami sila kissatsikkiartormat qalasersuarmi kujallermi sermeq aappoq taavalu immap sikua isarukitsut najugaqarfiat napisarpoq sikutarujussuanngorluni.
- Isarukitsut manna tikillugu akiuussinnaasimapput Sikuiuitsumilu Kujallermi silap pissusaanut sualuttorujussuarmut siuilttorneqarsinnaanngitsumullu naleqqussarsinnaasimallutik, maannakkulli nunarsuup kiatsikkiartorneranut susinnaanngisaminnut sorsuutiginnillutik, Tommy Dybbro, Verdensnaturfondenimi WWF-imi avatangiisinut suleqataasoq oqarpoq.
Sermeq napigaangat manniit piaqqallu imaanut kuugussaasarput, isarukitsullu nerisassaat pingaarnerit, peqquit krill-it, tammararput aamma silap kiatsikkiartornera ilutigalugu.
Qeqertaasap kitaa'tungaani immap sikua ukiuni kingullerni 26-ini 40 procentimik annikilleriarsimavoq. Tamanna pissutigalugu krill-it ikileriarujussuarsimapput.