Silasiorfik nutaaq umiartortunut iluaqutaassaaq
Nuummi Najukkami Ataatsimiititaliamit aningaasaliisoqarneratigut Nuup Kangerluani Asiaq nutaamik silasiutitaarpoq.
Silasiorfik nutaaq Nuup Kangerluani sila pillugu paasissutissanik nutaanik saqqummiussisassaaq, tamannalu kangerlummi umiartortunut iluaqutaangaassaaq.
Asiaq, Nuummi Najukkami Ataatsimiititaliamit aningaasatigut tapiiffigineqarluni silasiorfimmik nutaamik pilersitsisimasoq, ima oqarpoq:
- Sapaatip-akunnialui silasiut misilittarsimalerparput, takusinnaalereerparpullu Nuummi, Kapisilinni Qeqertannguullu nalaani piffissami ataatsimi anorlertarnera assigiinngilluinnartoq.
- Taamaattumik naatsorsuutigaarput sila pillugu paasissutissat nutaat ingammik
umiartortunut iluaqutaalluarumaartut, Anders Læsøe Asiami immikkoortortaqarfimmi pisortaq tusagassiuutinut nalunaarummi oqarpoq.
Suleqatissarsiorneq
Silasiutip nutaap ilaatigut anorip sakkortussusaa sammivialu uuttortassavaa. Umiartortut
soqutigisallilluunniit allat Asiap nittartagaanut iserlutik qanoq
anorlertiginersoq malinnaasinnaapput.
Nuummi Najukkami Ataatsimiititaliamik Asiap suleqateqarnera silasiorfimmik nutaamik ikkussuinermut pissutaasoq Anders Læsøep nuannaarutigaa:
- Nuummi Najukkami Ataatsimiititaliap suleqatigineqarnera nuannaarutigeqaarput. Nuna
tamakkerlugu silap qanoq issusia pillugu ilisimasavut pitsanngorsarusuttuaannarpavut,
taamaattumik silasiutit amerlanerulerniassammata silasiutinik nutaanik ikkussuinissatsinnut
suleqatiginnikkusuttunik suli ujartuivugut.
- Paasissutissat inuiaqatigiinnut naleqassusaat nittartagarpullu atorneqartorujussuusoq ilisimavarput, Anders Læsøe oqarpoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...