Simon: Narsarsuarmi sakkutooqarfik

Kommuneqarfik Kujallermi borgmesterip Simon Simonsenip issittumi sakkutooqatigiit Narsarsuarmut inissitsikkusuppai.

– Kommuneqarfik Kujalleq sakkutooqatigiinnut assut angerlarsimaffiorusuppoq Narsarsuarmilu inissiinissaq assorsuaq iluaqutissartaqarpoq, tamatumunnga Nuummi inissiinissaq sanilliutissagaanni. Mittarfimmut tunngatillugu aamma Narsarsuup eqqaani pitsaasunik umiarsualiveqarfeqareerpoq, borgmester Simon Simonsen isumaqarpoq.

Kommuneqarfik Kujallermi suliffissaqartitsiniarmut ataatsimiititaliap siulittaasuata borgmesteri taperserpaa:

– Ingerlatsinissamut tamatumunnga Narsarsuaq piukkunnartorujussuuvoq timmisartunut angisuunut mittarfik, sakkutooqatigiinni inuttaasunut aammalu sulisunut allanut toqqaannartumik Københavnimut timmisartukkut attaveqarneq assut iluaqutaassaaq. Tamatumunnga ilutigitillugu ileqqupalaajuvoq naalagaaffiup suliffeqarfiutaasa tamarmik Nuummut inissinneqartarnerat. Taamaattumik uagut sakkutooqatigiit Narsarsuarmut tikilluaqqussavagut aamma maani uagut kommunitsinni suliffeqarfiit pissarsiarinissaat nuannaarutigissallutigu, siulittaasoq Ole Mølgaard-Motzfeldt oqarpoq.