Simon Simonsen 50-iliissaaq
Kommune Kujallermi borgmesteri Simon Simonsen sapaatiuppat oktobarip 16-ani akunnaalliliilluni 100 affaannik ukioqalissaaq
Inuuissiornerminut atatillugu ikinngutini, attaveqatigisartakkani kommunillu sulisui aqaqu tallimanngornermi marluniit tallimanut Hotel Qaqortumi ilasseqatigiinnissamut qaaqquai.
- Erseqqissarssavara qaaqqusinera kommunip akilertussaanngimmagu, Simon Simonsen qungujulluni oqarpoq.
Simon Simonsen 2005-mi Kommune Kujallermi borgmesterinngorpoq, borgmesteriusimasoq Tommy Marø taarserlugu, 2001-miilli kommunalbestyrelsimi borgmesterip tulliatut siullertut inissisimareerluni.
- Aamma sapaatiuppat kikkulluunniit kaffisoriarsinnaapput angerlarsimaffitsinni, Simon Simonsen telemontøritut ilinniarsimasoq oqarpoq, kingusinnerusukkut ilinniartisisutut ilinniarluni.
Inuuissiornerata nalliuttorsiutigineqarnera pissaaq Puilasumi oktobarip 21-ani ikinngutit ilisarisimasaallu 80-it missaaniittut peqataaffigisaannik.