Simonsen naalakkersuisutut tunuarpoq
Siumumi naalakkersuinermik suliaqartoq, Simon Simonsen, Naalakkersuisunit tunuarpoq, maannakkullu Inatsisartunut ilaasortatut ingerlaqqilluni. Simonsen kimit paarlanneqassanersoq Kim Kielsenip ullumi ilisimatitsissutigissavaa.
Naalakkersuisut siulittaasuata Kim Kielsenip ullup ingerlanerani Attaveqaqatigiinnermut kina naalakkersuisunngussanersoq ilisimatitsissutigissavaa. Simon Simonsenip tunuarniarluni aalajangerneranut atatillugu atorfik taanna inuttaaruppoq. Sapaatip-akunneri arlaqanngitsut matuma siorna taanna stresserluni sulinngiffeqarpoq, kisianni ullumikkut Inatsisartut ataatsimiittarfiannut uterpoq – Siumumi ilaasortaannartut.
Naalakkersuisoq nutaaq
Kim Kielsenip inummik Inatsisartunut qinigaanngitsumik aamma siornatigut naalakkersuisuusimanngitsumik atorfinitsitsiniartoq, Sermitsiaq.AG-p tusarpaa.
Allatut oqaatigalugu, Kim Kielsenip naalakkersuisuuffimmut isornartorsiorneqartumut Siumumi politikerimik ilungersuusserusuttumik nassaarsimavoq, tassani kiffartuussinermut isumaqatigiissutit naammagineqanngitsut saqqumisarput.