Sinittarneq pillugu suliniut soqutigineqarluartoq
Ph.d.-nngorniutigalugu suliniutip nutaap sinittarnerup pingaassusaa misissuiffigaa. Kalaallit Nunaanni sinitsillunianersaarneq ajulersarneq piviusuuvoq, kisianni ajornartorsiutaavoq katsorsarneqarneq ajortoq. Nakorsap aammaph.d.-nngorniartup Mads Mose Jensenip tamanna allanngortinnissaa neriuutigaa. - Suliniut soqutigineqartupilussuuvoq.
- Sinerissamit tamanit suliniummut peqataarusuttunit saaffigineqarpugut. Nakorsiarniartut amerlasuut itigartittariaqarpavut, angusanik atorsinnaasunik pissarsiniarluta suliniut pilersaarutigisarput malillugu ingerlattariaqarnera pissutigalugu. Aallaqqaataaniilli suliniut soqutigineqartupilussuuvoq.
Innuttaasut 10 procentii tikillugit sinitsillutik anersaarneq ajulersarnermik eqqugaasarput. Kalaallit Nunaanni kisitsisit qaffasinnerusinnaapput. Inuit Europamiunit Asiamiunut kingornuttakkatigut sanilliunneqarsinnaanerummata, Asiamiullu Europamiunit sinitsilluni anersaarneq ajulersarnermut qaninnerusarput. Kisianni Kalaallit Nunaanni innuttaasut akornanni sinitsilluni anersaarneq ajulersarnermik atugaqarnersut ilisimaneqanngilaq.
Aviisi AG taama allappoq.
Nunatsinni Inuunerissaavik Stenomi nakorsap aamma ph.d.- nngorniartup, Mads Mose Jensenip tamanna misissuiffigileruttorpaa.
- Sinerissami akuttunngitsumik qasusorujussuullutik nakorsiartunit attaveqarfigineqartartunik suleqateqarpunga. Amerlasuut sinitsillutik anersaarneq ajulertarnertik ilimagalugu aggertarput, aapparisaasa immaqa unnuami unikkallartarnerannik takunnittarnerat pissutigalugu, Mads Mose Jensen oqarpoq.
Aviisimi AG-mi atuarnerusinnaavutit: