Sinniisut aggersarneqartut sulipput

Inatsisartuni ilaasortat ikittumininnguit ilaat namminersortuujutigalutik inatsisartuni ilaasortaasut ilagaat biiliutilik Thomas Kristensen Tasiilameersoq. Nasserutigaa namminersortuutigaluni naalakkersuinermik suliaqarneq ajornakusoorsinnaammat.

- Kisimiillunga namminersortuungama Tasiilamit sivisuumik peqanngittarnera naalliunnarsinnaasarpoq, Nuummi naalakkersuinermik sulineq piumasaqartorujussuummat, Thomas Kristensen Sermitsiaq gl-mut oqarpoq.

Thomas Kristensen namminersortutut suliffiutini aallunniarumallugu apriilip 1-anut 2008 sulinngiffeqarnissamut akuerisaasoq Knud Kristiansenimit, Upernavik, sinnerneqarpoq.

Jens Lars Fleischer ukiaq tamaat sulinngiffeqartussatut akuerisaasoq Panbomik maannakkut illuliuleruttorpoq, illu ukiorpallaartinnagu matuniarlugu.

- Panbomik maannakkut illuliorpunga ukiorpallaartinnagu matuneqartariaqartumik, Jens Lars Fleiscer Sermitsiaq, gl-mut oqarpoq.

Gert Ignatiussen, Tasiilaq, Jens Lars Fleischerimut sapaatip akunnerata tulliani sinnisuussaaq Per Rosing-Petersen-mit, Nuuk, inatsisartut ataatsimiinerat tamaat kingoraarneqassalluni.

Agnethe Davidsen, Siumut, Nuuk, ajortumik nualluni napparsimasoq oktobarip 5-anut sulinngiffeqassalluni qinnuteqarsimavoq. Naalakkersuisunut ilaasortaasimasumit Simon Olsenimit, Sisimiut, sinnerneqarpoq.