Siriusimik alapernaarsuisoqanngippat ulorianartorsiussaaq
Alapernaarsuisut Sirius oqartussaassuseqarnermik attassinngippat Kalaallit Nunaat marlunnut avissinnaavoq. Siumup sakkutunik alapernaarsuisunik atorunnaarsitsiniarnera ulorianarpoq, isorinnittut isumaqarput
- Tunup avannaa oqartussaaffigalugu Danmarkip attanniarsimanngisaannartuuppagu immaqa takorloorneqarsinnaavoq tamanna norskit amerikarmiulluunniit pigigaat, immaqa Kalaallit Nunaat ataasiusimassanngikkaluarpoq, Kalaallit Nunaata Sakkutooqarfiani Operationsafdelingimi pisortaq Michael Hjorth oqarpoq.
- Naalagaaffeqatigiit tamaaniinngippata qallunaallu erfalasuat nittarsaallugu, innarlerneqarnissatsinnut qaninnerulissaagut. Oqartussaassuseqarnerup attanniarneqarnerani tunngaviatigut pineqarpoq naalagaaffeqatigiit nunaannik innarliinernut qisuariarsinnaanissaq. Tamannali peqatigalugu oqartussaassuseqarnerup attanniarneratigut malunnartinneqassaaq tamanna uagut pigisatsitut isigigipput, Inatsisartut nunanut allanut tunngasunut ataatsimiititaliaani siulittaasoq Justus Hansen, Demokraatit, oqarpoq.
Oqaluttuaq tamaat AG-mi sapaatip akunnerani saqqummersumi atuaruk, tassani alapernaarsuisut Sirius sammineqarlutik. Aviisi pisiariuk uani: