SIS-ip siulittaasua tunuariataarpoq
Kristian Enoksen Siumup Inuusuttunut Suleqatigiiffiani ulluni 20-iinnarni siulittaasooreerluni tunuarpoq.
Annonse
Tusagassiuutitigut nalunaarummi naatsunnguami siulittaasunngortup, Narsameersup Benjamin Kielsenip, ilisimatitsissutigaa SIS-imi siulittaasutut juulip 26-iani ataatsimeersuarnermi Qaqortumi qinerneqartoq, Kristian Enoksen nammineq piumassutsiminik tunuarnissaminik kissaateqarsimasoq.
- Ataatsimeersuarnermi peqataasut peqatigalugit, ataatsimiinnermi nutaamik siulittaasumik qinersisoqarpoq. Tassanilu Benjamin Kielsen, SIS Narsameersoq siulittaasutut qinerneqarpoq, Benjamin Kielsen allappoq.
Kristian Enoksenip tunuarnera pillugu SIS-imiit oqaaseqartoqarumanngitsoq ilanngullugu erseqqissaatigaa.