Sisimiuni aserorterisoqartoq - politiit biiliisa igalaavi aserorterneqarsimasut

Sisimiuni politiit biilii marluk tallimanngornerup ullaassaani aserorteriffigineqarsimapput, inuusuttuaqqallu biilit igalaavinut milloorsimasut paasineqarsimallutik.

Kalaallit Nunaata Politiivini pigaartut pisortaat Malik Olesen Sermitsiaq.AG-mut oqaluttuarpoq.

Politiit nal. 01.56 nalunaarfigineqarput, nalunaarullu tulleq tassaasimavoq politiit biiliisa qanittuaniittumi niuertarfimmi aamma sequtserisoqartoq.

Niuertarfimmi igalaat aamma aserorneqarsimapput.

Nalunaaruteqartoqareersoq inuusuttut sisamat 15-it ataallugit ukioqartut politiinit tiguneqarput, taakkulu aserorterisimasutut pasineqarlutik.

Pigaartut pisortaat oqaluttuarpoq kommunimu suliaq nalunaarutigineqarsimasoq angajoqqaallu akisussaasut aamma ilisimatinneqarsimallutik.