Sisimiuni ipilluni ajunaartoqarpoq

Angut 19-nik ukiulik pingasunngornermi ullaakkut Sisimiuni ipilluni ajunaarpoq. Ilaqutaasut eqqarsaatigalugit Sisimiuni politiit paasissutissat ikittuinnaat tunniuppaat.

- Alianartumik pisoqarneratigut taama pisoqarpoq aamma ajunaarnermut tunngatillugu pinerluttoqarsimaneranik malunnartoqanngilaq, Sisimiuni politeeqarfimmi ulluinnarni aqutsisoq Karl Jørgen Lennert Sermitsiaq.AG-mut oqarpoq.

Angut inuusuttoq Sisimiuni silami naluttarfimmi ipeqqasoq pingasunngornermi ullaakkut nalunaaqutaq 08.30-ip missaani siumorneqarpoq.