Sisimiuni ujaasineq: Sakkortuumik nakuusertoqarsimaneranut atatillugu angut inuusuttoq ujaarineqartoq
Kalaallit Nunaanni Politiit angut 19-inik ukiulik Sisimiuni ujaarivaat.
Juullip eqqissinartua ajoraluartumik nunatsinni sumi tamani nalliussimanngilaq. Taamak Sermitsiaq.AG-mut oqaluttuarpoq Kalaallit Nunaanni Politiit nakkutilliisuutitaasa ittuat, Bjørn Bjerregaard.
Bjørn Bjerregaard oqaluttuarpoq unnuap ingerlanerani politiit assut ulapissimasut, ulapputigineqartunilu tamangajanni imigassartorsimanerup kingunerisaanik eqqissiviilliortoqarneranut nakuusertoqarneranullu atatillugu politiit orniguttarsimapput.
Tamanna aamma Sisimiunut atuuppoq.
Sisimiunimi sakkortuumik nakuusertoqarsimaneranut atatillugu Kalaallit Nunaanni Politiit ujaarivaat angut inuusuttoq 19-nik ukiulik, tamanna pisimavoq 23. december 2023-ip unnuanni nalunaaqutaq 03:15-ip missaani imerniartarfiup Starlightip silataatungaani.
Angut imatut isikkoqarpoq:
Angut, 175 cm-it missaanik takissusilik, qenertunik nujaqarpoq, timaa nalinginnaasuuvoq, kalaallisut isikkoqarpoq. Atisat qanoq ittut atorsimanerai ilisimaneqanngilaq.
Ujaarineqartoq ulorianarsinnaavoq, takusimagaannilu imaluunniit sumiinneranik ilisimannissimagaanni, politiit qinnuiginnipput politiinut 701448-mut sianertoqassasoq.