Sisorarfimmi majuartaat ukiortaami aatsaat ammarneqassaaq
Nuummi innuttaasut juullimi Quassussuarmi sisorarnissamut periarfissaqarpasinngillat. Akerlianik sisorarfiup ukiortaami atoriaannanngorneqarnissaa anguniarlugu Sisorarfiit apummik nussuileruttorput.
- Majuartaatip mikinerup januaarip aappaani ammarneqarnissaa naatsorsuutigaarput. Ukiaq apeqqaarmalli piareersarlugu aallartippugut, sisorarfillu ukiortaami piareersimaniassammat suli aputilersorparput, Sisorarfimmi ingerlatsisoq Bruno Heilmann oqarpoq.
Sisorarfiup ammarnissaa utaqqisinnaanngikaanni kurebrætit, kilkit, boslædet, nannut amii atorneqalereersut sisoraatigineqarsinnaapput. Sisorarfiulli ammanneqarnera ilutigalugu kantiina aatsaat ammartussaammat kissartunik imigaqarnissaq nammineq isumagineqartariaqarpoq.
Majuartaat allamt atoreqarli
Aamma ujakkaartarfiit Sisorarfiup piareersarsimasai atorneqalereersullu atorneqarsinnaapput. Taamaammat majuartaat matoqqagaluartoq allanik aamma qinigassaqarpoq. Pisuttuartarnerit aasaanerani atorluarneqartartut, aputeqaraluartoq aamma periarfissaapput.
Juullimi silagissasoq
DMI-p silassamut tunngatillugu ilimasaarutaa allanngussanngippat, juullikkunni silaginniartussaavoq. -5-ip -12-illu akornanni issinniarpasippoq anorilu sekundimut 4 meterinik sakkortussuseqarniarpasilluni. Sisorarfimmi nalunaaquttap akunnerini arlalinni nuannisarnissamut periarfissatsialak.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...