KL

DK

Siulittaasussamik qinersineq kinguaattooqqavoq: Oqallinnermit nutartikkat

Siumup ataatsimeersuarnerani programmi kinguaattooqqavoq maannamuugallartorlu qaqugu siulersuisunut siulittaasuuffinnullu qinersinissaq, nalunaaqutaq 14 aallartittussatut pilersaarutigineqaraluartoq, aallartissanersoq aalajangiunneqarsimanngilaq.

Pavia Nielsen Siumumi ataqqinaammik ilaasortanngortinneqarpoq, sapaammilu ataatsimeersuarnermi aallartitanut oqalugiarluni.
Ruth Heilmann, Maniitsumeersoq, partiimi aamma ataqqinaammik ilaasortanngortinneqarpoq.
Siulittaasussamik sapaammi ualikkut qinersinissaq sioqqullugu aallartitanik tusarnaarianillu ulikkaarpoq.
Ataqqinaammik ilaasortaq Lars-Emil Johansen oqaluttarfimmut qaqigoq partiimilu avissaartuuttoqannginnerarlugu.
Siulittaasussamik sapaammi ualikkut qinersinissaq sioqqullugu aallartitanik tusarnaarianillu ulikkaarpoq. Jensine BerthelsenAtaqqinaammik ilaasortaq Lars-Emil Johansen oqaluttarfimmut qaqigoq partiimilu avissaartuuttoqannginnerarlugu. Jensine BerthelsenPavia Nielsen Siumumi ataqqinaammik ilaasortanngortinneqarpoq, sapaammilu ataatsimeersuarnermi aallartitanut oqalugiarluni. Jensine BerthelsenRuth Heilmann, Maniitsumeersoq, partiimi aamma ataqqinaammik ilaasortanngortinneqarpoq. Jensine BerthelsenSiulittaasussamik sapaammi ualikkut qinersinissaq sioqqullugu aallartitanik tusarnaarianillu ulikkaarpoq. Jensine BerthelsenAtaqqinaammik ilaasortaq Lars-Emil Johansen oqaluttarfimmut qaqigoq partiimilu avissaartuuttoqannginnerarlugu. Jensine BerthelsenPavia Nielsen Siumumi ataqqinaammik ilaasortanngortinneqarpoq, sapaammilu ataatsimeersuarnermi aallartitanut oqalugiarluni. Jensine BerthelsenRuth Heilmann, Maniitsumeersoq, partiimi aamma ataqqinaammik ilaasortanngortinneqarpoq. Jensine Berthelsen
Jensine Berthelsen, Merete Lindstrøm
Published

Programmi kinguaattoorfioreerpoq, kisianni nal. 14.30 kinguninnguatigut Siumumi ataatsimeersuaqataasut katersuuteqqimmata siulittaasumik, siulittaasup tulliinik siulersuisunillu qinersinissap pilersaarutaasutut aallartinnissaa pineqanngilaq.

Taarsiullugu namminiivilinnissaq pillugu suliamik oqaluuserinninnissaq pingaarutilik partiilu tamatumunnga qanoq isummissanersoq pillugu katersuuttoqarpoq.

Kisianni oqallinneq aallartitsinnagu partiimi ataqqinaammik ilaasortanngortut marluk oqaaseqartussanngortinneqarput, ataqqinaammik ilaasortat killilerujussuupput maannamullu taamaallaat Lars Emil Johansen ataqqinaammik ilaasortaalluni.

Uummannameersoq Pavia Nielsen aamma Maniitsumeersoq Ruth Heilmann ataatsimeersuarnermi arfininngormat ataqqinaammik ilaasortanngortinneqarput. Ataqqinaammik ilaasortanngortut oqaaseqareermata Lars Emil Johansen oqaluttarfimmut qaqivoq.

Siumumi avissaartuuttoqanngilaq

Taassuma aallarniutigalugu partiimik avissartuuttoqannginnerarpaa, isumaqarnerarlunilu tusagassiuutit tamanna naliliineriinnaraat.

Taama pisoqarpoq, ataatsimeersuarnermi ilaasortat inuit attaveqatigiittarfiisigut oqaluttarfimmiillu pisuutinneqarlutik saqqummiunneqareersut ilaasortanit siunnersuutit suliallu ingerlasimanera pillugit isumaqatigiinnginnerit pissutigerpiarlugit. Kisianni Lars Emil Johansen naapertorlugu, partiimut ilaasortat oqallinneriinnarpaat.

Taassuma oqalugiarnermini aamma erseqqissaatigaa, namminiilivinnissamik suliap sukkanerusumik ingerlanneqarnissaa tapersersorini.

- Sunaata utaqqigipput? Sooq nangaavugut?

Taama imminut akisunik apeqquteqarpoq. Isumalu tamanna partiimi siulittaasussatut qinigassanngortittut pingasuusut ilaata Aki-Matilda Høegh-Damip isumaanut naapertulluinnarpoq.

Namminiilivinnissaq pillugu oqallinneq

Gruppe 5 namminiilivinnissaq pillugu eqimattakkuutaarluni sulinerminit isummaminik saqqummiussivoq, makkua pingaarnerutillugit:

  • Eqqugaasimasutut inissisimasarneq unitsissavarput.
  • Ataatsimoortumik tapiissutit atorunnaarsikkiartuaarnissaannut ukiunut 15-inut pilersaarusiortoqassaaq
  • Mittarfiit nutaat atulerpata aamma imminut pilersornerulernikkut ilaatigut umiarsuit timmisartullu atorlugit aalisakkanik avammut nioqquteqarnerup nukittorsarneratigut.
  • Assaat tamarmik sulissapput.
  • Naalagaaffinngornissap sulissutiginissaanut pisussaaffilerneqassaagut
  • Free association kajungernarpoq

Siumut Nuummit Danmarkip nunasiaataanerup nalaani tamatumalu kingorna atuuffia pissutigalugu Danmarkip nunat tamalaat akornanni eqqartuussivissuarmut suliassanngortinnissaanik siunnersuut Gruppe 5-imit itigartinneqarpoq.

Tamatuma kingorna aallartitat arlallit oqaaseqarput.

Kuno Fencker sukkanerusumik namminiilivinnissaq taperserlugu oqalugiarpoq suliamilu tassani Aki-Matilda Høegh-Dam isumaanik tapersersorlugu.

Qarsoq Høegh-Dam siunnersuutit Siumut Nuummit nassiunneqarsimasut pillugit oqaaseqarpoq. Paaserusuppaa kikkut Kalaallit Nunaanni inuiaqatigiinnut sinniisuunersut.

Vivian Motzfeldtip gruppe 5 sinnerlugu erseqqissaatigaa, Siumut Nuuk siunnersuutiminik immikkoortukkuutaaginnartutut ilusilinnik nassiussisimasoq, tamannalu naammaginanngitsoq. Gruppip innersuussutigisimavaa, naalagaaffinngornermi kikkut naalagaaffimmut innuttaassuseqarsinnaanerat eqqarsaatigalugu innuttaasut katitigaanerinnanik sulissuteqarneq ingerlateqqinneqassasoq.

Danmarkip eqqartuussivilersuunneqarnissaanik siunnersuut tapersersorneqanngilaq

Arlallit oqaaseqarput Siumut Nuummillu siunnersuut taperserlugu Naalagaaffeqatigiinnerlu ataatsimooqatigiiffiunersoq apeqquserneqarluni.

Siulittaasut tulliisa marluk, Vivian Motzfeldtip aamma Inga Dora Markussenip, partiip maannakkut politikkia illersorpaat erseqqissaatigalugulu namminiilivinnissamik anguniagaq sulissutigineqareersoq.

Danmarkip nunat tamalaat akornanni eqqartuussivissuarmut suliassanngortinneqarnissaanik siunnersuut aallartitanit taasissutigineqarpoq. Arfineq-pingasut tapersiillutik taasipput, aallartitallu sinneri 68-it akerliullutik.

Tamatuma akerlianik naalagaaffinngornissamut naalakkersuisumik pilersitsinissap sulissutigineqarnissaa ilalerneqarpoq, taannalu Siumut Nuummit aamma siunnersuutaavoq.

Taamaalilluni oqallinneq naggaserneqarpoq, partiimilu malittarisassanut allannguutit oqaluuserineqarnissaat sioqqullugu unillatsiartoqarluni.

nunatsinnit inuiagatigiit politikki
Powered by Labrador CMS