Siullersaalluni akiuussutissalersittoq: Annernalaarpoq

Nuummi innuttaasoq ataasinngormat ullaap tungaani coronavirusimut akiuussutissamik siullersaalluni kapineqarpoq. Sofie Hegelund 79-inik ukiulik tusagassiortunit malinnaaffigilluarneqarluni isiginnaartorpassuaqarlunilu siullersaalluni kapitippoq.

Leiff Josefsen Leiff Josefsen Leiff Josefsen Leiff Josefsen Leiff Josefsen Leiff Josefsen

Arnat pingasut kitsileqarlutik nerrivik kaajallallugu issiapput akiuussutissamillu akoorillutik. Taakku sanianni peqqissaasoq Petra Luna Fuglø issiavoq, utoqqaat illuanni Ippiarsummi najugallit 30-t akiuussutissalertinnissamut akuerisimasut akiuussutissaannik kapiniarlugit.

- Aap kapuuiniarnera annilaangangilaarpara, taanna nassuerpoq.

- Napparsimasunuk kapuuisarsimaqaanga, aatsaalli inuppassuarnik isiginnaartoqarlunga kapisinialerunga, peqqissaasoq qungujulluni oqarpoq.

Akiuussutissaq akiuussutissaliinnginnermi akuneqartoq

Eqqissisimalluni tatitusoq

Isiginnaartorpassuarnut ilaapput Nunatta Nakorsaanera Henrik L. Hansen, Peqqissutsimut Naalakkersuisoq Anna Wangenherim, nunap immikkoortuani peqqissaasut pisortaat, Kalaallit Nunaanni tusagassiortut tallimat utoqqaallu illuanni najugallit.

Isiginnaartut amerlanesaat mobiltelefoneqarlutillu assiliivilisartut, oqaluttuarisaanermi pisoq filmiliaralugulu assilisaqattaarpaat.

Inden stikket er Sofie Hegelund kapitinnginnermini eqqissisimallunilu tatituvoq:

- Corona pillugu tusagaqarsimaqaanga, annilaanngangisimavaralu, akiuussutissamillu kapitinnissara qilanaarisimallugu, maannalu ajunngilanga, taanna Sermitsiaq.AG-mut oqarpoq.

Sofie Hegelund nerrivimmi ataatsimi nalunaarsorneqarpoq, nerrivimmullu allamut nuulluni inummik allamik oqaloqateqarniarluni.

Kapitinneeraq pingaaruteqarluartoq

Issiviani kaassuartakkamiitillugu Petra Luna Fuglømukaanneqarpoq, taassuma qungujulalluni eqqissisariarlugu aperaa arlaannik sapigaqartuunersoq.

- Qanittukkut puisitorpunga, ajortilaarlungalu, kapitinniartoq oqarpoq.

Tamatumali kapisiniarneq unitsinngilaa, aava kangujarterneqarpoq taliatigut kapiniarlugu, kapisineq coronap siunissami qanoq kinguneqarsinnaaneranut pingaaruteqaqaaq.

Sofie Hegelund annikitsunnguamik kappialaarpoq, isiginnaartullu tamarmik assatik ersaartaatilerpaat. Kalaallit Nunaanni coronamut akiuussutissaq siullermeersumik taamaalilluni tunniunneqarpoq.

Naalakkersuisoq pilluaqqusisoq

Kapisisoqareermat Sofie Hegelund peqqusiileqilaartoq Naalakkersuisumit Anna Wangenheimimit pilluaqqunqarpoq.

Siullersaalluni kapitittussaalluni ilisimasimanngilaa, inuppassuarnillu isiginnaartoqarnera killissutigalugu.

- Timera sukassimaqaara. Immaqa taamaammat annernalaarpoq, akiuussutissamilli kapitinnera nuannaarutigaara. Maanna toqqissisimanerulerpunga, Sofie Hegelund oqarpoq.

Ulloq naatinnagu Ippiarsummik najugallit 30-t missaanniittut, innarluutilinnut paaqqinnittarfimmi Ippiarsuup sanianiittumi najugallit aqqanillit sulisullu 50-it akiuussutissamik kapineqareersimassapput. Najugaqartut pingasut sulisullu 20-t akiuussutissamik kapitinnissamut qujaannarsimapput.

Powered by Labrador CMS