Siumut Arsummi aqutsisuni
Siumumeersut marluk Arsummi nunaqarfimmi aqutsisuni ilaasortaalerput Niels Peter Mikaelsen, Siumut, ippassaammat qinerseqqinnermi amerlanerussuteqarluni qinerneqarmat.
Annonse
Nunaqarfinnut aqutsisunut 28-ni apriil qinersisoqarmat IA-meersut marluk qinerneqaraluarput, uanili qinerseqqinnermi Siumut marlunnik nunaqarfiup aqutsisuini ilaasortaatitaqalerpoq, sermersooq.gl allappoq.
Qinigaasinnaanermut Ataatsimiititaliap Niels Peter Mikaelsenip qinigaasinnaassusia misissuiffigereerunikku Arsummi nunaqarfinnut aqutsisut inissitsitersinnaapput, taamatut ilisimatitsivoq Kommuneqarfik Sermersuumi allatseqarfik.
Qinersinerup inernera imaalerput, qinersinermi siullermi qinigaasut marluk ilanngullugit:
Lars Albrechtsen (S) 28
Niels Peter Mikaelsen (S) 31
Ejnar Jakobsen (IA) 27
Arsummi qinersisinnaasut 115-iupput, sermersooq.gl naapertorlugu.