Siumut isigisariaqarpugut
Namminersorneq pillugu inuusuttut oqallittartut isumalluarput, kisianni aamma namminersulernissaq ernumanartoqartilaarpaat.
Line Frederikseni Nuummeersoq paatsuugassaanngitsumik namminersornermut angerneq nuannaarutigigaluarlugu aamma malitsigiumaagassai pillugit nulornissuteqalaarpoq.
– Politikki eqqarsaatigalugu ernumalaarpunga. Ernummatigaara nunagisamik pingaartitsinermit tiguartilluni aningaasaqarnerup tungaanut qissimigaanngitsoornissap puigorneqarnissaa, taamalu ingerlatsiviit suli piareersimaffiginngisatsinnik tigooralernissaat.
– Politikkikkut partiit tamarmik siumut isigilernissaq isumaqatigiissutigisinnaassagaat neriuutigaara. Massakkut isumaqatigiissut taaasissutigereerparput, isumaqarpungalu maannakkkut ingilluta aornartorsiutit atuuttut aaqqinniarnissaat salliutittariqarivut, taamak Line Frederiksen Sermitsiamut taasinerup aqaguani oqarpoq.
Merkonomi 28-nik ukioqartoq namminersorneq pillugu oqallinnermut oqallissaarisooqataalluarpoq, oqaatiginiakkanilu internetimi oqallittarfinni sermitsiaq.gl-imi knr.gl-imilu atorluartarlugit.
Nukkani Rikke peqatigalugu Line Frederiksenip allaaserisat pingaarnersaasa ilaat - »Seks hurtige om selvstyre« - taasinissaq qaammat ataaseq sioqqullugu namminersornermut isumaqatigiissutip pitsaaqutaanik ajoqutaanillu naatsumik nassuiaataasut saqqummiuppaat.
Line Frderiksenip Sermitsiaq-mi nutaami apersorneqarnera aamma atuaruk.