Siumut: Nukissiorfiit pisortaat oqaqqusaanngilaq
Siumup naalakkersuisunut ilaasortaq Jens B. Frederiksen pasillerpaat Nukissiorfiit pisortaata partimik oqaloqateqarnissaannik nangartaanerarlugu.
Annonse
Siumup siulittaasuata Aleqa Hammondip oqaaseqaat saqqummiuppaa Nukissiorfiit namminersortunngortinneqarnissaa pillugu inatsisartuni oqallittoqarnerata nalaanni.
Partiip apeqqutit arlallit pillugit Nukissiorfiit pisortaanik Svend Hardenbergimik oqaloqateqartarpoq inatsisartuni oqallittoqarneranut atatillugu. Jens B. Frederiksenilli politikkikkut Nukissiorfinnik oqartussaasup tamanna unitsikkaa, Aleqa Hammond pisuutitsivoq.
– Nalunaarfigineqarpugut Nukissiorfinnut tunngatillugu saaffiginnissutit tamarmik toqqaannartumik Jens B. Frederiksenimut ingerlanneqassasut. Tamanna akuersaarneqarsinnaanngilaq Siumullu siulittaasuata naalakkersuisut siulittaasuat Kuupik Kleist kaammattorpaa tamanna qanoq iliuuseqarfigeqqullugu, Aleqa Hammond oqarpoq.