Siumut nuna tamakkerlugu ajugaaqqippoq
Ukioq manna kommunimut qinersinermi Siumup 47,6 procentit pissarsiarai Kattusseqatigiit Partiiat taasinerit 1,1 procentiannit taaneqarluni partiit minnersarilerlugu
Marsip 12-ani Inatsisartunut qinersinermi angusarissaarnerup kingorna sapaatit akunneri pingasut qaangiuttut Siumut ajugaaqqippoq.
Maannakkut marlunngornermi kommunalbestyrelsinut qinersinermi partii taasinerit 47,6 procentiinit taagorneqarluni. Katillugit 11.336-nit taagorneqarluni.
Inuit Ataqatigiit annerpaap tullera taasisut29,4 procentiinit taagorneqarluni, tassalu 7.006-init.
Annerpaat pingajorilerpaat Atassut 3.069 -init taaneqartoq tassalu taasisut 12,9 procentiannit.
Normu 4-nngorput Demokraatit 1521-init taaneqarlutik tassalu 6,4 procentinit. Taamaalilluni partii 2008-mi qinersinermut naleqqiullugu affaannanngorsimavoq, taamanikkut Demokraatit taasinerit 13,4 procentiinit taaneqarlutik.
Partii Inuit 1,3 procentinit taaneqarpoq, katillugit 309-nit.
Ukioq manna Inatsisartunut qinersinertut Kattusseqatigiit Partiiat marlunngornermi taagorneqarpiarsimanngillat Anthon Frederiksenip partiia 'taamaallaat' taasinerit 1,1 procentiannit taagorneqarluni imaluunniit taasinernit 23.834-nit 268-init.
’Allat’ 0,2 procentinit taagorneqarput, katillugit 39-nit taaneqarlutik.