Oqaatsit
Siunnersuut: Tusagassiorfiit kalaallisut oqaatsitik pitsanngortittariaqarpaat
Tusagassiortutut ilinniarfimmi kalaallisut ilinniarneq Naalakkersuisunit salliutinneqartariaqartoq, Mimi Karlsen (IA) siunnersuuteqarpoq
Kalaallit naammattumik qallunaatoorsinnaanngitsut demokratiskimik pisussaaffeqarnermikkut piginnaatitaaffeqarnermikkullu eqqorneqartarput.
Taamaattumik nutaarsiassaqartitsiviit kalaallisut eqqortumik paasinartumillu atuinissaat taamatullu oqaatsinik ineriartortitsinissaat pingaaruteqarpoq.
Mimi Karlsen (IA) aalajangiiffgisassamik taama siunnersuuteqarpoq, taanna ullumi marlunngornermi Inatsisartuni siullermeerneqassaaq.
Atuaruk: Atuakkiani saqqummertuni kingullerni kukkunerit amerlavallaartut
Tusagassiortut pikkorinnerulissapput
Taassuma oqaatigaa, tusagassiortut kalaallisut oqaatsitigut piginnaasatik nukittorsartariaqaraat. Taamaattumik tusagassiornermik ilinniarfimmi oqaatsit salliutinneqarnissaannut Naalakkersuisut taassuma kajumissaarpai.
- Tusagassiortunngorniarfimmi ilinniarnissamut piumasaqaatitigut sukaterinikkut kalaallillu oqaasiisigut nukittorsaanikkut kalaallit tusagassiutaanni oqaatsitta atorluarneqarnissaat ineriartortinneqarnissaallu aqqutissiuussinnaavagut, siunnersuummini allappoq.
Atuaruk: Ilinniarfissuaq angusinngitsoorpoq
Tusagassiortunngorniat oqaatsitigut piginnaanngorsarnerisigut nutaarsiassalerinermi kalaallit oqaasiisa atorneqarnerat nukittuunngortinneqassasoq, taanna isumaqarpoq.
- Kalaallit oqaasiisa kukkuneqanngitsumik atorneqarnissaat ataqqineqartissagutsigu ilinniartuutissanut piumasaqaatit sukatertariaqarpagut, Mimi Karlsen oqarpoq.
Atuaruk: Siumup inuusuttai: Qallunaat oqaasiisa akimmisaarpaatigut
Atuaruk: Naalakkersuisuusimasoq: Eqqugaasutut inissinneq taamaatinniarsiuk