Siverthip Aqqalu siulittaasussatut piukkukkaa
Atassutip siulittaasua, Siverth K. Heilmann isumaqarpoq, Aqqalu Jerimiassen partiimi siulittaasussatut piukkunnaateqartoq
Atassut nuna tamakkerlugu novembarip qulingiluaani nalinginnaasumik ataatsimeersuassaaq, maannalu siulittaasuusup ilisimatitsissutigereernikuuaa siulittaasussatut sassaqqinniarani.
Siverth K. Heilmannilli – aviisi AG naapertorlug – Inatsisartuni parteeqatgini siulittaasussatut toqqarpaa: Aqqalu Jerimiassen.
Aqqalu Jerimiassenip silap pissusaata allanngoriartorneranut tunngatillugu oqaaserisimasaata kinguneranik ,Atassut politikkikkut assoralisimaartinneqareerluni aamma inatsisartuni ilaasortaatitaata inuusuttup assoralisimaartinneqareernerata kingorna naalakkersuisooqataajunnaarpoq.
Silap pissusia pillugu ilisimatusartut aningaasannanniartut
Politikkerit arlallit tupigusuutigisimavaat, Aqqalu Jerimiassenip Sermitsiaq.AG-mit apersorneqarluni oqaatigimmagu , silap kissakkiartorneranut inuit pisooqataanerat upperinagu. Aamma silaannaap kissakkiartornera ilisimatuut “aningaasannanniutigigaat”, taanna isumaqarpoq.
Aqqalu Jerimiassen maanna siulittaasuusup oqaaseqaatai pillugit AG-mut ima oqarpoq:
- Siulittaasussaarsiornissamut sassaqquneqarnera akueriinnarsinnaavara. Nunali tamakkerlugu ataatsimeersuarnermut peqataasut tassaapput kia siulittaasuunissaanik toqqaasussat, Aqqalu Jerimiassen oqarpoq.