SMS aqqutigalugu taasisitsinermi Siumut siuttunngorpoq
TV-ikkut qineqqusaartitsineq aallaavigalugu KNR-ip arfininngornermi SMS atorlugu taasisitsinerani 1813-it taaseqataapput. Inernerani paasinerpoq Aleqa Hammond piukkunnarnerusoq
Aviisi Sermitsiaq sinnerlugu HS Analysep qinersisartunik paasiniaaneranit inernerup paarlattorluinnaanik KNR-ip SMS-ikkut taasisitsinera inerneqarpoq. Aviisip paasiniartitaasa IA siuaqqalaarsinnaaneraraluarlugu naligiilluinnartoqartoq allapput, isiginnaartartut Siumut nunatsinni partiit annersarigaat oqartut.
knr.gl. allappoq.
SMS aqqutigalugu taasisitsineq KNR-ip qinersisartunik ataatsimiisitsineranut tv-ikkut arfininngornermi ualikkut toqqaannartumik aallakaatinneqartumut atavoq. KNR allappoq mobiltelefonit ataasiakkaat 1.813 qinersisitsisuusaarnermi peqataasut.
Taasisut 52,6 procentiisa Siumut aamma Partii Inuit toqqarpaat.
IA taasisut 32,3 procentii.
Demokraatit 7,9 procent.
Atassut 6,3 procentinit taaguunneqarpoq, HS Analysep misissuinerani aamma SMS-ikkut taasisitsisuusaarnermi Kattusseqatigiit Partiiat Inatsisartunut isertitaqassasorineqanngitsoq.
Inatsisartunut qinersinissaq marlunngorneq marsip aqqaneq-aappaat pissaaq.