Sukkornermik nappaateqalersartut amerliartuinnartut
Nunatsinni sukkornermik nappaateqalersartut amerliartorput. Tamanna qanoq inuuneqarnermik aamma timikkut kingornussanik patsiseqarpoq, Nuummi Inuunerissaavimmi Stenomi nakorsat taamatut nassuiaapput.
![Steno Inuunerissaavik Kalaallit Nunaat ullumikkut Nuummi Dronning Ingridip Peqqissaaviani inissisimavoq, kisianni pilersaarutaavoq nutaamik illuliortoqarnissaa, taanna 2024-mi naammassineqarsimassaaq.](https://image.sermitsiaq.ag/142022.webp?imageId=142022&width=960&height=518&format=jpg)
Kalaallit amerliartuinnartut sukkornermik nappaateqarnerannik paasineqartartut, aviisi Sermitsiaq allappoq.
– 2008-mi Kalaallit Nunaanni sukkornermik nappaateqartut 450-iupput, ullumikkut 1800-pput. Naatsorsuutigaarput kisitsit tamanna siunissami ukiumut 100-nik amerlisarnissaat.
Taamatut oqarpoq nakorsatut centerimi pisortaq dr.med. Michael Lynge Pedersen, Inuunerissaavik Stenomi siorna Nuummi pilersinneqartumi aqutsisuusoq.
Inussakkut kapitinneq
– Ullumikkut Kalaallit Nunaanni sukkornerup qanoq atugaatiginera pillugu pitsaasunik paasisimasaqarpugut. Tamatuminnga nappaateqarnerup paasineqarnissaanut pitsaanerujussuarnik atortorissaaruteqalersimavugut. Tamatuminnga nappaateqarnermik pasitsaassaqaraangatta inussakkut ataasiartumik kapitinneq naammakkajuttarpoq. Tamanna ilutigalugu peqqinnissaqarfiup nappaat tamanna qitiutinnerulersimavaa, kol-imik nappaateqarnermik pissuteqartumik ipianngusarnermik aamma taqqatigut milittoornissamut aarlerinartorsiornermik nappaateqarnerit ilanngullugit Kalaallit Nunaanni nappaatit qanoq inuuneqarnermik aallaaveqartut atuugaanerpaapput.
Amerlasoorpassuarnik patsiseqarpoq Kalaallit Nunaanni inuit amerliartuinnartut sukkornermik nappaateqarnerannut.
– Qanoq inuuneqarnerup allanngornera ilaatigut pissutaagajuttarput. Oqimaappallaarneq aamma timigissarpallaartannginneq, soorlu tamanna nunarsuarmi tamarmi takusinnaagipput. Tamakku ilutigalugit agguaqatigiissillugu ukioqqortusigaluttuinnartoqarpoq – ukioqqortusigaluttuinnarnermilu sukkornermik nappaateqalernissaq aarlerinarsisarluni.
Aviisimi Sermitsiami atuarnerusinnaavutit. Aviisi uani pissarsiariuk: