Suliffeqarfiit imminortarnermut akiuiniassapput
Nuup Kommuneata suliffeqarfiit kissaateqarfigaat sulisutik sullitatilluu imminornermut tunngasunik misigisaqarsimasinnaammata maluginiartaqqullugit.
Annonse
Tamanna tunuliaqutaralugu kommunimi pitsaaliuinermut immikkoortortaq Paarisa suleqatigalugu sisamanngorpat imminortarneq pillugu immikkut sammisaqartitsissapput.
- Suliffeqarfiit angisuut immikkut sammisaqartissavagut, taakku sulisorpassuaqarmata sullitarpassuaqarlutillu, taakku ilaat imminornermik qanimut misigisaqarsimasinnaapput. Qaaqquneqartunut ilaapput assersuutigalugu Taxa, Tele-Post aamma Royal Arctic Line. Tusagassiorfinnut nalunaarummi taamak ilisimatitsisuuvoq Marie Lyberth Nuup Kommuniani imminornissamik pitsaaliuinermut tunngasunut siunnersortaasoq.