Suliniutinut angisuunut inatsimmik akuersinissaq utaqqimaaraat
Ministeriunerup Helle Thorning-Schmidtip suliniutinut angisuunut inatsisip Folketingimi suliarineqarnissaa utaqqimaarpaa Naalakkersuisut nutaat pilersinneqarnissaata tungaannut
Kikkut tamarmik - aamma ministeriuneq Helle Thorning-Schmidt - Naalakkersuisut nutaat pilersinneqarnissaannik utaqqipput
Marlunngornermi socialdemkratit ministeriunerata tusagassiivinnik katersortitsinermini aperineqarami qaqugu inatsit immikkut ittoq, nunanit allanit suliartorsinnaasussanut atorneqartussamik sulineq nanginneqassanersoq.
- Kalaallit aperisariaqarpatit. Taakkua naalakkersuisunik nutaanik pilersitsisussaapput, Helle Thorning-Schmidt oqarpoq.
- Naalakkersuisut nutaat pilersinneqarpata takussavarput suliniutinut angisuunut inatsit saqqummersinneqassanersoq imaluunniit suliniutinut angisuunut inatsit allanngortinneqassanersoq. Aatsaat taamannak pisoqareerpat qallunaat folketingiata akuliunnissaa pissusissamisuussaaq inatsisiliornissamillu pisariaqartinneqartumik sulineq nangissalluni, statsministeri oqarpoq.