Suliniutit angisuut pillugit inatsit Deadlinemi allatut ittumik sammiveqartinneqarpoq
Tv-kut aallakaatitassiami 'Deadlinemi' marlunngornermi unnukkut nunatsinnut sulisussanik akikitsunik tikisitsinissamut ministeriunerup akuersinera isiginiarneqarpoq
DR2-mi aallakaatitassiami ’Deadlinemi’ marlunngornermi unnukkut nunarput siginiarneqassaaq.
Aallaakaatitassiap allaaserinerani allassimavoq qallunaat inatsisinik atortitsinermut ministeriata Morten Bødskovip Socialdemokratineersup inatsisissaq immikkut ittoq piareersaraa taamaalillutik nunanit allaniit aatsitassarsiorfiit nunatsinni sulisinnaallutik akissarsiakitsunillu Kinamiunik tusindilikkaanik suliartortitsillutik.
Taama ministeriuneq Helle Thorning-Schmidt Socialdemokratineersoq marlunngornermi ministeriuneqarfimmi tusagassiuutinut nalunaarpoq.
Danmarkilu kalaallit aatsitassarsiornissaarsuanut akornusiinianngilaq.
Læs "Thorning støtter storskalaloven"
Taamaalillutik qallunaat naalakkersuisuisa akilernerlunneqarni sulineq akuersaarpaa, 3F-imi siulittaasoq Poul Erik Skov oqarpoq. Weekendavisenip aaqqissuisuunera Anne Knudsen isumaqataanngilaq oqarlunilu Kalaallit Nunaat Danmarkiunngitsoq qallunaallu naalakkersuisui akuliuttariaqanngitsut.
Unnukkut Deadlinemi aatsitassarsiorfiit marluk, akilernerluisarneq qallunaallu nunatsinnik soqutigisaqarnerat oqaluuserineqassaaq, umiarsuarnillu tuniniaasartoq kontreadmiraliusimasoq Torben Ørting Jørgensen qallunaat inuussutissarsiortut nuantsinni aatsitassarsiornermi peqataanissaminnut periarfissaat pillugit eqqartuivoq.